پیٹرول کتنے روپے سستا ہوگا؟ عوام کے لئے بڑی خبر

پیٹرول کتنے روپے سستا ہوگا؟ عوام کے لئے بڑی خبر

ملک میں پیٹرول اور ڈیزل سمیت دیگر مصنوعات کی قیمتیں کم کیے جانے کا امکان ظاہر کیا جا رہا ہے۔ حکومت کل نئی قیمتوں کا اعلان کرے گی، جس کے بعد عوام کو معمولی ریلیف ملنے کی توقع ہے۔انڈسٹری ذرائع کے مطابق ابتدائی ورکنگ مکمل کر لی گئی ہے، جس میں پیٹرول 61 پیسے فی لیٹر سستا کرنے کی تجویز پیش کی گئی ہے۔

اسی طرح ہائی اسپیڈ ڈیزل میں 3 روپے 13 پیسے، مٹی کے تیل میں 1 روپے 57 پیسے اور لائٹ ڈیزل میں 2 روپے 61 پیسے فی لیٹر کمی کی سفارش کی گئی ہے۔ذرائع کا کہنا ہے کہ اوگرا 31 اگست کو قیمتوں کی حتمی ورکنگ وزارت پٹرولیم کو ارسال کرے گا، جس کے بعد وزیراعظم کی منظوری سے نئی قیمتوں کا نوٹیفکیشن جاری ہوگا۔تجویز کے مطابق، پیٹرول کی نئی ممکنہ قیمت 264.61 روپے سے کم ہو کر 264 روپے، ہائی اسپیڈ ڈیزل 272.99 روپے سے کم ہو کر 269.86 روپے، مٹی کا تیل 178.27 روپے سے کم ہو کر 176.70 روپے اور لائٹ ڈیزل 162.16 روپے سے کم ہو کر 159.55 روپے فی لیٹر مقرر ہو سکتی ہے۔ذرائع کے مطابق حکومت اس وقت پیٹرول پر فی لیٹر 80.52 روپے اور ڈیزل پر 79.51 روپے کی لیوی وصول کر رہی ہے۔ نئی قیمتوں پر عمل درآمد یکم ستمبر 2025 سے ہوگا، جو 15 روز تک برقرار رہیں گی۔

About The Author

Charlotte

I’m Charlotte, a writer and journalist with a passion for storytelling and delivering news that matters. As a new anchor, I combine my love for writing with my commitment to journalism, ensuring that I communicate important events and stories in a way that resonates with viewers. My goal is to inform, inspire, and engage through both my writing and on-air presence, always striving for clarity and professionalism in my work.

See author's posts